በቅድመ አንደኛ ደረጃ  ሳምንታዊ የተረት ንባብ መርሃ ግብር ተካሄደ

[ግንቦት 10 ቀን 2018 ዓ.ም]

በተስፋ ቅድመ አንደኛ ደረጃ ትምህርት ቤት የህፃናትን የንባብ ባህል ለማዳበር እና የስነ-ልሳን (የቋንቋ) ክህሎታቸውን ለማሳደግ ታስቦ የተዘጋጀው ሳምንታዊ የተረት ንባብ መርሃ ግብር ዛሬ ግንቦት 10 ቀን 2018 ዓ.ም በደመቀ ሁኔታ ተካሂዷል።

ይህ መርሃ ግብር ህፃናት በተረትና በተለያዩ አስተማሪ ታሪኮች አማካኝነት ምናባዊ እውቀታቸውን (Imagination) እንዲያሰፉ፣ አዳዲስ ቃላትን እንዲለምዱ እና የማዳመጥ ብቃታቸውን እንዲያሳድጉ ትልቅ ሚና የሚጫወት ነው። በእለቱም መምህራን ለህፃናቱ ደረጃ የሚመጥኑ፣ ሳቢና ማራኪ የሆኑ ምስላዊ የህጻናት መጻሕፍትን በመጠቀም ተረቶችን በጥሩ አቀራረብ አንብበውላቸዋል። ህፃናቱም በተረቶቹ ውስጥ ስለነበሩት ገጸ-ባህሪያትና መልካም ስነ-ምግባራት ንቁ ተሳትፎና ውይይት አድርገዋል።

የቅድመ አንደኛ ደረጃ አስተባባሪዎችና መምህራን እንደገለጹት፣ ህፃናት ገና በለጋ እድሜያቸው መጻሕፍትን እንዲወዱና የንባብ ልምድን እንዲያዳብሩ ለማድረግ ይህ መርሃ ግብር በየሳምንቱ የሚከናወን ሲሆን፤ በቀጣይም በተለያዩ አዝናኝ እና ስነ-ቃልን መሰረት ባደረጉ መንገዶች ተጠናክሮ እንደሚቀጥል አስታውቀዋል።

ትምህርት ቤታችን ተስፋ የህፃናትን ሁለንተናዊ እድገት ለመደገፍና መሰረተ-ጥብቅ እውቀት እንዲጨብጡ ለማስቻል የሚያደርገውን ጥረት አጠናክሮ ይቀጥላል።